Avqustun 24-nə keçən gecə İtaliyada 6 bal gücündə zəlzələ olub.

Novator.az-ın məlumatına görə, seysmoloqlar ilk yeraltı təkanın yerli vaxtla 3:36-da baş verdiyini bildirir. Zəlzələnin episentri Akkumoli şəhəri yaxınlığına düşüb. Şəhərdə çoxlu bina dağılıb.

İkinci yeraltı təkan yerli vaxtla 4:34-də Umbriya vilayətində baş verib. Yeraltı təkanlar İtaliyanın mərkəzi şəhərlərində, o cümlədən paytaxt Roma və Bolonyedə də hiss olunub. Latsio, Umbriya və Mark vilayətlərində daha çox dağıntıların olduğu bildirilir.

Son məlumatlarda zəlzələ nəticəsində 14 nəfərin həlak olduğu, dağıntılar altında xeyli adamın qaldığı bildirilir.

Mütəxəssislər yeraltı təkanların təkrar olunacağını istisna etmirlər.