Yaponiyanın Saqamihara şəhərində bıçaqla silahlanmış şəxs iyulun 26-na keçən gecə əlillər evinə hücum edərək 19 nəfəri qətlə yetirib, 26 nəfəri yaralayıb. 20 yaralının vəziyyəti ağırdır.

Novator.az xəbər verir ki, hadisəni törədən 26 yaşlı Satosi Ueamatsu polisə təslim olub. Onun 2012-ci ilin fevralından həmin əlillər evində çalışdığı, bir müddət əvvəl işdən çıxdığı bildirilir.

Əlillər evində 19-75 yaş arası 149 şəxs saxlanır.

Polisə təslim olarkən Satosi Ueamatsu “Bu əlillər cəhənnəm olsunlar” deyib.

Satosi Ueamatsunun əlillər evindən bu ilin fevralında şəxsi istəyi ilə getdiyi, son aylar heç yerdə işləmədiyi qeyd olunur.