1 milyon manat 27 qəzet arasında bölündü
Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurası iyulun 25-də xüsusi iclas keçirib. İclasda prezident İlham Əliyevin qəzetlərə birdəfəlik maliyyə yardımı göstərmək üçün dövlət büdcəsindən fonda 1 milyon manat ayırması müzakirə olunub.
Müşahidə Şurasının qərarı ilə 1 milyon manat 27 qəzet arasında bölünüb. “Azərbaycan”, “Bakinski raboçi”, “Bakı xəbər”, “525-ci qəzet”, “Ekspress”, “Ədalət”, “Xalq qəzeti”, “İki sahil”, “Kaspi”, “Kaspiy”, “Mövqe”, “Olaylar”, “Palitra”, “Respublika”, “Səs”, “Şərq”, “Şərq qapısı”, “Yeni Azərbaycan”, “Yeni Müsavat” qəzetlərinin hər birinə 40 min manat verilib.
“Azad Azərbaycan”, “Bizim yol”, “Exo”, “Həftə içi”, “Xalq Cəbhəsi”, “Novoye vremya”, “Paralel” və “Üç nöqtə” qəzetlərinin hər biri isə Kütləvi İnformasiya Vasitələrinin İnkişafına Dövlət Dəstəyi Fondundan 30 min manat birdəfəlik maliyyə yardımı alıblar.
