Tokioda Yaponiya-Azərbaycan Əməkdaşlıq Assosiasiyası yaradılıb. Bu işin təşəbbüskarı olan Yaponiyanın Hokkaydo Universitetinin doktorantı, Hokkaydo Universiteti Xarici Tələbələr Assosiasiyasının fəxri prezidenti Əlibəy Məmmədov təşkilatın rəhbəri seçilib.

Diasporla İş üzrə Dövlət Komitəsinin mətbuat xidmətindən Novator.az-a verilən məlumata görə, Əlibəy Məmmədov bildirib ki, yapon iş adamları, elm xadimləri iki ölkə arasında əlaqələrin inkişafına dəstək məqsədilə Azərbaycan diaspor təşkilatının yaradılmasının vacibliyini tez-tez vurğulayırdılar.

Yeni diaspor təşkilatının yaradılmasında Azərbaycanda səfərdə olmuş yapon iş adamları da iştirak ediblər.

Əlibəy Məmmədov qeyd edib ki, Yaponiya-Azərbaycan Əməkdaşlıq Assosiasiyasının yaponiyalı üzvlərinin sayını iki il ərzində 1000 nəfərə çatdırmağı planlaşdırır.