Azərbaycanda qadınların və kişilərin daha çox hansı cinayətləri törətdiyi açıqlanıb
2014-cü ildə Azərbaycanda törətdiyi cinayətlərə görə məhkum olunanların 4,6 faizini qadınlar, 95,4 faizini kişilər təşkil edib.
“Report” Dövlət Statistika Komitəsinə istinadən xəbər verir ki, həmin il 12 min 724 kişi, 618 qadın azadlıqdan məhrum edilib.
Onlardan 14-18 yaş arasında olan uşaqlardan cinayət törədənlərin 8-i qadın, 272 nəfəri kişi olub.
Qadınlar daha çox oğurluq, kişilər isə əsasən narkotik maddələrlə bağlı, yol hərəkəti təhlükəsizliyi və nəqliyyat vasitələrinin istismarı qaydalarının pozulması, xuliqanlıq və oğurluq kimi cinayətlər törədilib.
