Respublika Günü münasibətilə rəsmi qəbulda dövlət mükafatları təqdim olunub
Mayın 27-si Bakıdakı “Buta” sarayında Azərbaycanın milli bayramı – Respublika Günü münasibətilə rəsmi qəbul keçirilib. Prezident İlham Əliyev rəsmi qəbulda iştirak edib, nitq söyləyib.
AZƏRTAC xəbər verir ki, tədbirdə dövlət mükafatlarının təqdim edilməsi mərasimi də olub. Prezident İlham Əliyevin sərəncamları əsasında 2016-cı il üçün elm üzrə dövlət mükafatları Ramiz Məmmədov, Elbrus Əlizadə, Məhərrəm Həsənov və Zakir Eminova, ədəbiyyat üzrə mükafat isə Fikrət Qocaya təqdim edilib.
