Rusiya prezidentinin mətbuat katibi Dmitri Peskovun gəlirləri haqda rəsmi açıqlama verilib.

Novator.az bildirir ki, Peskovun gəlirləri haqda bəyannamə 2015-ci ilə aiddir. Bəyannaməyə əsasən, Peskovun ötən il 36,7 milyon rubl (1 rubl 23 qəpikdir) qazancı olub.

Bu rəqəm 2014-cü ildə 9,18 milyon, 2013-cü ildə isə 9,21 milyon rubl idi.

2015-ci ildə Peskovun hazırkı xanımı, fiqurlu konkisürən Tatyana Navka ailə büdcəsinə 89 milyon rubl gəlir gətirib.

Rusiya prezidentinin mətbuat katibi 111, 112 və 55 kvadratmetrlik üç mənzilə, qaraja və iki avtomobilə (“Toyota” və “Land Cruiser”) sahibdir.

Peskovun xanımı Tatyananın mülkiyyətində bir yaşayış evi, iki torpaq sahəsi, bir avtomobil duracağı və 4 mənzil var. Bu mənzillərdən biri ABŞ-dadır. Tatyana 4 avtomobil və 1 motokar sahibidir.

Bu gün Rusiya prezidenti Vladimir Putinin də 2015-ci il üzrə gəlirləri açıqlanıb. Rusiya prezidentinin ötən il 8 milyon 891 min rubl gəliri olub.