Manat ucuzluğa sarı üzür
Martın 11-də manat xarici valyutalara nəzərən dəyər itirib. ABŞ dollarının rəsmi məzənnəsi 1,6315 manatdan 1,6456 manata yüksəlib.
Transparency.az xəbər verir ki, avronun rəsmi satış kursu 1,8378 manat olub. Ötən gün avro 1,7907 manata satılırdı.
Martın 10-da 0,0230 manata təklif olunan Rusiya rublunun rəsmi məzənnəsi isə bu gün 0,0231 manatdır.
Ötən il Azərbaycan manatı iki dəfə devalvasiyaya uğrayıb. Əvvəl manatın dollara rəsmi məzənnəsi 78 qəpikdən 1 manat 5 qəpiyə qaldırılıb, sonra Mərkəzi Bankın qərarı ilə manat üzən məzənnə rejiminə keçirilib və dollar qarşısında rəsmi kurs 1 manat 55 qəpik olub.
