Martın 3-də Azərbaycan manatı həm ABŞ dolları, həm avro, həm də Rusiya rublu qarşısında ucuzlaşıb. Transparency.az-ın məlumatına görə, Mərkəzi Bank ABŞ dollarının kursunu 1,5764 manatdan 1,5843 manata yüksəldib. Avronun satış kursu 1,7117 manatdan 1,7204 manata, Rusiya rublunun məzənnəsi 0,0215 manatdan 0,0217 manata qalxıb.

Son bir ildə Azərbaycan manatı iki dəfə devalvasiyaya uğrayıb. Əvvəl manatın dollara rəsmi məzənnəsi 78 qəpikdən 1 manat 5 qəpiyə qaldırılıb, sonra Mərkəzi Bankın qərarı ilə manat üzən məzənnə rejiminə keçirilib və dollar qarşısında rəsmi kurs 1 manat 55 qəpik olub.