İspaniyanın “Real” futbol komandasının hücumçusu Kriştiano Ronaldo sosial şəbəkələrdə ən çox abunəçisi olan idmançıdır.
Novator.az xəbər verir ki, Kriştiano Ronaldonu 3 sosial şəbəkədə ümumilikdə 200 milyon adam izləyir. Onun “Facebook”da 109 milyon 700 min, “İnstagram”da 49 milyon 600 min, “Twitter”də 40 milyon 700 min abunəçisi var.
Ronaldonu sosial şəbəkələrdə ən çox ABŞ, Fransa və Braziliyadan izləyirlər. Onun abunəçilərinin 13,5%-i ABŞ-da, 7,4%-i Fransada, 6,4%-i Braziliyada yaşayır.
Kriştiano Ronaldo portuqaliyalıdır. 31 yaşı var. Əvvəllər Lissabonun “Sportinq”, İngiltərənin “Mançester Yunayted” futbol komandalarında oynayıb. 2009-cu ildə 80 milyon funt sterlinqə Madrid “Real”ına transfer olunub. Üç dəfə dünyanın ən yaxşı futbolçusu seçilib.
