Birləşmiş Ərəb Əmirlikləri (BƏƏ) hökuməti xoşbəxtlik və din azadlığı üzrə nazirliklər təsis etməyi qərara alıb. Hökumət strukturlarının yenidən təşkili haqqında məlumatı baş nazir və vitse-prezident, Dubay əmiri Məhəmməd Əl-Məktum açıqlayıb.

Qeyd edilir ki, xoşbəxtlik naziri bütün dövlət planlarını, proqramlarını və siyasətini sıx birləşdirməklə “cəmiyyəti daha xoşbəxt edəcək”, digər nazir isə din azadlığını “əmirliklər cəmiyyətinin əsas dəyəri kimi” aşılayacaq.

Baş nazirin sözlərinə görə, BƏƏ prezidenti Xəlifə ibn Zayed Əl-Nəhyan təklif edilən yeniliyin həyata keçirilməsinə razılıq verib.

Xəbəri AZƏRTAC yayıb.