Türkiyədə təhsil alan azərbaycanlı gənc İbrahim Fərhadlı xərçəng xəstəliyinə tutulub, onun müalicəsi üçün 150-200 min dollar tələb olunur. Tələbə gənclər İbrahimə dəstək üçün xeyriyyə marafonu keçirmək və pul toplamaq qərarına gəliblər. Xeyriyyə marafonu Azərbaycanda və Türkiyədə keçiriləcək.

Fevralın 6-7-də Bakıda, “Park Bulvar”ın 2-ci mərtəbəsində təşkil olunacaq xeyriyyə aksiyası hər iki gündə saat 12-dən 21-dək davam edəcək. İbrahimin müalicəsi üçün xeyriyyə yarmarkasına kitablar, rəsm əsərləri, suvenirlər, yumşaq uşaq oyuncaqları, musiqi alətləri, fərqli aksessuarlar və s. təqdim etmək olar. Bundan başqa, arzu edənlər aksiyaya qatılıb pul şəklində də yardım göstərə bilərlər.

Əlaqə telefonları: Aysel Hüseynzadə (+994 77 464 84 56), Fəridə Abbasova (+994 50 329 53 50), Əli Hümbətov ( +994 50 272 09 29).