Prezident İlham Əliyev fevralın 3-də Böyük Britaniyanın paytaxtı Londona gedib. O, “Suriyaya və regiona dəstək” konfransına qatılacaq.

AZƏRTAC-ın məlumatına görə, prezidenti konfransa BMT-nin baş katibi Pan Gi Mun, Böyük Britaniya və Şimali İrlandiya Birləşmiş Krallığının baş naziri Devid Kemeron, Almaniya Federativ Respublikasının kansleri Angela Merkel, Norveç Krallığının baş naziri Erna Solberq və Küveyt Dövlətinin əmiri Sabah əl-Əhməd əl-Cabir əs-Sabah dəvət edib.