Akademik Cəlal Əliyev vəfat edib
Akademik Cəlal Əliyev vəfat edib. Xəbəri APA yayıb. Alimin fevralın 1-nə keçən gecə dünyasını dəyişdiyi bildirilir.
Cəlal Əliyev 1928-ci ildə Naxçıvan şəhərində anadan olub. Naxçıvan Dövlət Müəllimlər İnstitutunun təbiətşünaslıq-coğrafiya fakültəsini və Azərbaycan Dövlət Universitetinin biologiya fakültəsini bitirib. Biologiya elmləri doktoru, professordur.
Yeni Azərbaycan Partiyasının qurucularındandır. 1995-2015-ci illərdə Milli Məclisin üzvü olub. Əməkdar elm xadimi, “İstiqlal” və “Şərəf” ordenləri laureatıdır.
Cəlal Əliyevlə vida mərasimi bu gün AMEA-nın əsas binasında olacaq, o, Fəxri xiyabanda dəfn ediləcək.
Allah rəhmət eləsin!
