Kanadanın dövlət himninin dəyişdirilməsi təklif olunur. Novator.az xəbər verir ki, bununla bağlı Liberal Partiyadan olan deputat Moril Belanje parlamentə qanun layihəsi təqdim edib.

Layihədə söhbət bir misranın dəyişdirilməsindən gedir. Himnin üçüncü misrasında “Sənin oğullarının yerinə yetirdiyi əmrlərdə əsl vətən sevgisi” sözlərinin “Bizim yerinə yetirdiyimiz əmrlərdə əsl vətən sevgisi” kimi oxunması təklif olunur.

Layihədə deyilir ki, üçüncü misra, daha dəqiqi, oradakı “sənin oğullarının” ifadəsi kanadalı qadınların hüququnu pozur. Layihənin müəllifi bildirib ki, “sənin oğullarının” ifadəsinin “bizim”lə əvəz olunması təklifiylə o, Kanadanın qurulması uğrunda çalışan, o cümlədən döyüşən bütün qadınları, onların qədir-qiymətini və verdikləri qurbanları yada salmaq istəyir.

Kanadada dövlət himninin dəyişdirilməsinə əvvəllər də cəhdlər olub, amma həmin cəhdlər nəticəsiz qalıb.