Azərbaycan Mərkəzi Bankının sərəncamında olan valyuta ehtiyatlarının həcmi bu il yanvarın 1-nə 5 milyard 16,7 milyon ABŞ dolları olub. AZƏRTAC Mərkəzi Banka istinadla xəbər verir ki, bu məbləğ 2015-ci ilin müvafiq dövrünə nisbətən 8 milyard 741,6 milyon dollar azdır.

Ötən ilin noyabr ayı ilə müqayisədə dekabrda valyuta ehtiyatları 1 milyard 228,9 milyon dollar azalıb.

Yanvarın 22-də Mərkəzi Bankın növbəti valyuta hərracı keçirilib, 200 milyon ABŞ dolları məbləğində vəsait satışa çıxarılıb. Hərracda iştirak edən 29 bankın məcmu tələbi 98,217 milyon ABŞ dolları təşkil edib, sifarişlər 100 faiz təmin olunub.