Fransada üç islam assosiasiyası bağlanıb
Yanvarın 13-də Fransa hökuməti üç islam mədəniyyət assosiasiyasının fəaliyyətinə qadağa qoyub. Novator.az xəbər verir ki, Fransanın daxili işlər naziri Bernar Kaznyov Nazirlər Şurasının iclasında belə açıqlama verib.
Kaznyov deyib ki, Lani-syur-Marn şəhərinin məscidində fəaliyyət göstərən assosiasiyaların dini ədavətə çağırışlar etdiyi haqda dəqiq məlumatlar var. Nazir vurğulayıb ki, Fransada terroru təbliğ edən və dini ədavətə çağıran strukturlara yer yoxdur. O, ölkə əhalisini yanvarın 11-də Marseldə yəhudi müəllimin öldürülməsinə cəhdin pislənməsi baxımından yekdilliyə çağırıb.
Yanvarın 11-də Marsel liseylərinin birinin 15 yaşlı şagirdi məsciddə yəhudi müəllimi öldürməyə cəhd edib. Əslən Türkiyə kürdü olduğu deyilən şagirdin əlində iri bıçaq olub. Məlumata görə, dindirmə zamanı lisey şagirdi deyib ki, o, Allahın və İŞİD-in adından hərəkət edib.
