Rusiya müsəlmanlarının ali müftisi dəyişib. Tatarıstan müftisi Kamil Samiqullin Rusiyanın ali müftisi postuna gətirilib. O, bu vəzifədə Təlqət Tacuddini əvəzləyəcək.

Novator.az xəbər verir ki, Kamil Samiqullinin ali müfti təyin olunması qərarını Rusiya Müsəlmanları Mərkəzi Ruhani İdarəsinin plenumu qəbul edib.

Təlqət Tacuddin ali müfti postunu tərk etsə də, Rusiya Müsəlmanları Mərkəzi Ruhani İdarəsinin rəhbəri postunda qalır. Yeni ali müfti Kamil Samiqullin də Tatarıstan Müsəlmanları Ruhani İdarəsinin rəhbəri postunda qalacaq.