Başqırdıstanda 14 yaşda nikaha icazə verildi
Rusiyanın Başqırdıstan Respublikasının parlamenti erkən nikaha yol açan qanun qəbul edib. Novator.az bildirir ki, yeni qanun müəyyən hallarda 14 yaşda nikah bağlanmasına icazə verir.
Başqırdıstanın Ailə Məcəlləsinə görə, nikah yaşı 18-dir. Parlamentdə qəbul olunan yeni qanunla bu məcəlləyə düzəliş edilib. Düzəlişə görə, hamiləlik dövründə və ya uşaq doğulubsa, 14 yaşda nikaha girmək olar.
Başqırdıstan prokurorunun köməkçisi Ruslan İsmaqilov deyib ki, erkən nikaha razılıq verən dövlət orqanı bu barədə qərar qəbul etməzdən qabaq işi yoxlanması üçün istintaq orqanına göndərməlidir. İstintaq məsələni araşdırandan və qəyyumluq orqanlarının rəyi olandan sonra erkən nikaha icazə verilə bilər.
