Rusiya dünyanın 80 ölkəsi ilə hərbi əməkdaşlıq edir. Novator.az xəbər verir ki, bunu Rusiyanın müdafiə naziri Sergey Şoyqu başçılıq etdiyi nazirliyin noyabrın 11-də keçirilən geniş kollegiya iclasında deyib.

Şoyqu qeyd edib ki, Rusiya Kollektiv Təhlükəsizlik Müqaviləsi Təşkilatına, Şanxay Əməkdaşlıq Təşkilatına üzv ölkələrlə, MDB dövlətləri ilə və müttəfiqi Belarusla əməkdaşlığın inkişafında daha çox maraqlıdır.

Müdafiə nazirinin sözlərinə görə, Rusiyanın bir sıra ölkələrdə, o cümlədən Ermənistan, Belarus, Qazaxıstan, Qırğızıstan, Tacikistan və Suriyada hərbi baza və obyektləri fəaliyyətini davam etdirir.