2015-ci ildə Ermənistanda ailə zorakılığı artıb. Bunu Ermənistanın həddi-buluğa çatmayanların işləri üzrə polis idarəsinin rəisi Nelli Duryan dekabrın 11-də açıqlayıb.

Novator.az xəbər verir ki, Nelli Duryan Ermənistanda 2014-cü ilin 10 ayı ərzində 575, 2015-ci ilin müvafiq dövründə isə 645 ailə zorakılığı faktının qeydə alındığını bildirib. Onun sözlərinə görə, 2015-ci ildə ölkədə ərin arvada zor tətbiq etməsi ilə bağlı 392, arvadın ərə qarşı zorakılığı üzrə isə 11 fakt qeydə alınıb. 10 ay ərzində ölkədə valideynin uşağa zorakılığı ilə bağlı 56, övladların valideynlərə qarşı zorakılığa üzrə 85 fakt qeydiyyata düşüb. Ailənin digər üzvlərinin uşaqlara qarşı zorakılığına aid qeydə alınan halların sayı 13 olub.