“BakuBus” MMC “28 May” metro stansiyasından paytaxt aeroportuna işləyən marşrut xəttində “Neoplan” avtobuslarını istifadəyə verib. AZƏRTAC-ın məlumatına görə, avtobusda gediş haqqı (1 manat 30 qəpik) “Bakıkart”la ödənəcək.

Almaniyanın “Man” şirkətinin istehsalı olan “Neoplan”da baqaj yeri, mini mətbəx, soyuducu, wi-fi sistemi və ayaqyolu var. Avtobus 48 nəfər tutur.

Yeni avtobuslar 24 saat fəaliyyət göstərəcək. Həm aeroportdan, həm də “28 May”dan çıxış intervalı 1 saat nəzərdə tutulub və sərnişinlər 30 dəqiqə ərzində mənzil başına çata biləcəklər. Avtobuslar dayanacaqda saxlamayacaq. Sərnişinlər yalnız “28 May” metro stansiyasında və aeroportda avtobuslara minə biləcəklər.