“Qələm” nəşriyyatı azyaşlı oxucular üçün kitab nəşrini davam etdirir. Nəşriyyat bu məqsədlə daha üç seriyadan kitabları satışa çıxarıb.

Bunlardan biri “Ninza tısbağalar” seriyasından olan kitablardır. Həmin kitablar uşaqlar üçün əla beyin məşqi sayıla bilər.

Azyaşlıların sevimli qəhrəmanı Kayyunun macəralarını da indi uşaqlarımız ana dilimizdə oxuya bilərlər.

Onların daha bir sevimli qəhrəmanı Doranın sərgüzəştlərini də “Qələm” Azərbaycan dilinə uyğunlaşdırıb və satışa çıxarıb.

Bu nəşrlərin hər biri “Nickeledion” və “Choutte publishing” nəşriyyatlarından alınıb və onların ölkəmizdə müəlliflik hüququ “Qələm” nəşriyyatına məxsusdur.

“Qələm” nəşriyyatı bəyan edir ki, belə kitablar Azərbaycanda azyaşlı oxucuların vaxtını əyləncəli, səmərəli keçirməsi, mütaliə vərdişlərini gücləndirməsi və dünyagörüşlərini artırması üçün mühüm əhəmiyyət kəsb edir.