Ekoloqlar dünyanın müxtəlif ölkələrinin Yer ehtiyatlarını nə dərəcədə tükəndirməsi ilə bağlı apardıqları tədqiqatın nəticələrini açıqlayıblar.

Novator.az xəbər verir ki, tədqiqat zamanı bioloji iz və bioloji həcm indikatorları, əhali sıxlığı və insanların istehlak etdiyi təbii ehtiyatların kəmiyyəti kimi parametrlər əsas götürülüb. Bioloji iz dedikdə Yer səthindəki yaşayış yerləri, bioloji həcm dedikdə isə təbii sərvətlərin bərpası sürəti nəzərdə tutulur.

Tədqiqatın nəticələrinə görə, ən ziyankar ölkələr Qətər, Küveyt, Birləşmiş Ərəb Əmirlikləri və Danimarkadır. Ziyankar ölkələr sırasında ABŞ-ın ada adı keçir. Araşdırmaya görə, ABŞ təbii sərvətləri nəinki mənimsəyir, hətta qonşu dövlətlərdən də “borc alır”. Tədqiqatçılar bir amerikalının planetə dörd Kolumbiya və ya Albaniya vətəndaşı qədər ziyan vurduğu qənaətinə gəliblər.