ABŞ-da Allaha inam sorğusu nələri üzə çıxarıb?
“Pew Research Center” təşkilatı ABŞ əhalisinin inancı ilə bağlı tədqiqat aparıb. Novator.az xəbər verir ki, ekspertlər ABŞ əhalisinin getdikcə dindən uzaqlaşdığının aşkara çıxdığını bəyan ediblər.
Tədqiqatın nəticələrinə görə, 2014-cü ildə Allaha inandığını bildirən yaşlı təbəqə 89% (2007-ci ildə 92% olub) təşkil edib. Allahın varlığına tam əmin olan respondentlərin sayı 2014-cü ildə 63%-ə qədər azalıb. 2007-ci ildə bu göstərici 71% olub.
Dindarların azalması ABŞ gəncləri arasında da hiss olunub: 1990-1996-cı illərdə doğulmuş sorğu iştirakçılarının yalnız yarısı Allaha inandığına əmindir. 1928-1945-ci il təvəllüdlü sakinlərin isə 71%-i Allahın varlığına inanır.
ABŞ-da gənc nəslin 39%-i, yaşlı nəslin isə 67%-i gündəlik ibadətə meyllidir. Tədqiqatçıların rəyinə görə, amerikalı gənclər dini məbədləri yaşlılara nisbətən daha az ziyarət edirlər.
2007 və 2014-cü illərdə aparılan tədqiqatların hər birinə 35 mindən çox yaşlı amerikalı qatılıb.
Səidə Hüseynova
