ABŞ prezidenti Barak Obama ölkənin 2016-cı il üzrə müdafiə büdcəsi layihəsinə veto qoyub.
Novator.az xəbər verir ki, layihəni ABŞ Konqresinin hər iki palatası qəbul etmişdi. Sənədi imzalamayacağını dərhal bildirən Barak Obama vurğulayıb ki, layihə qarşıdakı maliyyə ilində hərbi xərclərin təqribən 90 milyon artırılmasını nəzərdə tutur.
ABŞ Konqresinin hər iki palatasında üstünlük təşkil etsələr də, respublikaçıların prezidentin vetosuna qarşı çıxmağa səsi çatmadığından Obamanın vetosundan sonra büdcə müzakirəsinin bərpa olunacağı gözlənir.
Qanun layihəsi 612 milyard dollarlıq hərbi büdcə xərclərindən Ukrayna ordusuna və kəşfiyyatına 300 milyon dollar yardım göstərilməsini nəzərdə tuturdu.
