ABŞ-ın Los-Anceles şəhərində yerləşən Kaliforniya Universitetinin professoru Mark Harrissonun rəhbərlik etdiyi bir qrup alim bəyan edib ki, Yer kürəsində həyatın yarandığı vaxtı dəqiqləşdiriblər.

Novator.az xəbər verir ki, alimlər Yer kürəsində həyatın çağdaş elmdə qəbul olunduğu dövrdən 300 milyon il əvvəl mövcud olduğunu bildirirlər.

Onların tədqiqatına görə, Yer kürəsində 4,1 milyard əvvəl canlı orqanizmlər olub.  Bu, Yer üzündə bioloji orqanizmlərin yaranması haqda hazırda göstərilən  müddətdən 300 milyon il əvvələ gedib çıxır.

Alimlər bu fikrə Avstraliyada tapılmış qədim sirkon kristallarını öyrənəndə gəliblər. Professor Harrisonun iddiasına görə, sirkon kristallarının tərkibində tapılan karbon zonaları o dövrdə mövcud olmuş bioloji orqanizmlərin həyat fəaliyyətinin nəticəsidir. Avstraliyada  aşkarlanan kristal izotoplar (eyni kimyəvi element atomlarının müxtəlif növləri) Qrenlandiyanın qərbində tapılmış qədim geoloji nəsildən 300 milyon il yaşlıdır.