Quba və Qusarın bəzi ucqar yaşayış məntəqələrinə sulu qar və qar yağıb.

Oktyabrın 8-dən başlayaraq Azərbaycanın şimal regionunda hava şəraiti kəskin dəyişib, temperatur 6-8 dərəcə aşağı düşüb.

Quba Regional Hidrometeorologiya Müəssisəsindən AZƏRTAC-a bildiriblər ki, ötən gün axşam saatlarında bölgənin bəzi ucqar yaşayış məntəqələrinə sulu qar və qar yağıb. Sulu qar Qubanın Qırız, Susay, Kuzun kəndlərində, qar isə Qusarın Ləzə kəndinə (1 santimetr) qeydə alınıb.

Müəssisədən bildirilib ki, qeyri-sabit hava şəraiti oktyabr ayının 11-nə kimi davam edəcək.