Ermənistanın Mərkəzi Bankı xaricdən vətəndaşların hesabına daxil olan vəsaitlə bağlı statistika açıqlayıb. Açıqlamada qeyd olunur ki, bu ilin avqust ayında Ermənistana köçürülən pulun məbləği 114,7 milyon dollar olub, 2014-cü ilin avqust ayı ilə müqayisədə 38,3% azalma qeydə alınıb.

Köçürülən pulların 79%-i Rusiyanın payına düşür. Transparency.az-ın məlumatına görə, avqust ayında bu ölkədən Ermənistandakı fiziki şəxslərin adına 90,6 milyon dollara yaxın pul göndərilib. Həmin məbləğ 2014-cü ilin avqust ayında qeydə alınmış göstəricidən 44% azdır.

Ermənistandan Rusiyaya göndərilən pulun həcmi isə bir ildə 7,9% artaraq avqust ayında 17,9 milyon dollar olub.