Salyan rayon sakininin düzəltdiyi qeyri-adi traktor görənlərin marağına səbəb olub.

AZƏRTAC xəbər verir ki, rayonunun Pambıqkənd kəndində yaşayan Səxavət Məmmədov bu qeyri-adi traktoru bir neçə aya düzəldib. O, mini traktor düzəldərkən yalnız dəmir dayaqlardan, adi dəmirdən, həmçinin generator motorundan, “Jiquli”nin sürət qutusundan istifadə edib. Traktorun qabaq hissəsinə “Jiquli”, arxa hissəsinə isə “UAZ” markalı avtomobillərin təkərlərini bağlayıb. Traktorun kiçik olması həyətyanı sahələrdə rahat manevr etməsinə imkan verir. S.Məmmədov bu traktorla yer şumlayır, yük daşıyır. Bununla da əlavə xərclərə yol vermir.

Onu da deyək ki, bu qeyri-adi traktor qoşqusu ilə birlikdə 3 tondan çox yükgötürmə qabiliyyətinə malikdir.