“Azərbaycan gəncliyində vətənpərvərlik” layihəsinin icrasına başlanıb
Prezident yanında Gənclər Fondunun maliyyə dəstəyi ilə “Gənclərin Elmi Araşdırmalar Mərkəzi” İctimai Birliyi “Azərbaycan gəncliyində vətənpərvərlik” adlı layihənin icrasına başlayıb.
İctimai Birlikdən AZƏRTAC-a bildiriblər ki, layihənin əsas məqsədi Sabirabad və Saatlı rayonlarında yeniyetmə və gənclərin vətənpərvər ruhda tərbiyəsi, milli atributlarımızın, tariximizin unudulmaması, gənclər arasında vətənpərvərlik hisslərinin oyadılması, maarifləndirmə işlərinin aparılmasıdır.
Üç ay müddətində Saatlı və Sabirabad rayonlarında həyata keçiriləcək layihədən əsasən yeniyetmə və gənclər faydalanacaqlar. Tədbir çərçivəsində yeniyetmə və gənclərlə görüşlər keçiriləcək, təlimlər təşkil ediləcək. Təlimlərə cəlb olunanlar maarifləndiriləcək, buklet və cib təqvimləri ilə təmin olunacaqlar. Çap olunmuş nəşrlər ictimai yerlərdə, məktəblərdə və digər müəssisələrdə də əhali arasında paylanacaq.
Sonda aparılan işlərin səmərəliliyini müəyyənləşdirmək üçün qiymətləndirmə aparılacaq, iştirakçıların layihənin əhəmiyyəti ilə bağlı fikirləri öyrəniləcək.
