“Verisign” şirkəti bu ilin ikinci rübü üçün domen adları üzrə hesabat dərc edib. Sənədə görə, dünyada qeydiyyatdan keçən domenlərin ümumi sayı 296 milyona çatıb. Birinci rüblə müqayisədə artım 0,8%, ötən ilin müvafiq dövrü ilə müqayisədə 5,9% təşkil edib.

“Verisign” şirkəti tərəfindən idarə olunan, 118,5 milyon domen adının yer aldığı “.COM” domeni liderdir. Daha 15 milyon ad “.NET” domenində (“Verisign” şirkəti tərəfindən idarə olunur) qeydiyyatdan keçib. Bununla yanaşı, iyunun sonuna bütün yeni yüksək səviyyəli ümumi domenlərdə 5,86 milyon ad qeydiyyata alınıb. Bu, ümumdünya göstəricisinin 2 faizinə bərabərdir.

Milli domenlərin sayında 288 ədədədək artım qeydə alınıb. Lakin burada qeydiyyata alınan bütün adların 66,7%-i 10 böyük milli domenin payına düşür. Bu onluğa Tokelau (“.TK”) domeni başçılıq edir. Sonrakı yerlərdə Almaniyanın “.DE”, Çinin “.CN”, Böyük Britaniyanın “.UK”, Rusiyanın “.RU” və Niderlandın “.NL” domenləri qərarlaşıb.

Bu ilin əvvəlinə olan vəziyyətə görə, Azərbaycanda 30 minə yaxın domen adı qeydiyyatdan keçib.

Xəbrəi Mincom.gov.az saytı yayıb.