Beynəlxalq Telekommunikasiya İttifaqı (BTİ) 2020-ci ildə yeni nəsil “5G” rabitəsini kommersiyalaşdırmağı planlaşdırır. Bu barədə “Juniper Research” agentliyinin tədqiqatına istinadən “RBK” məlumat verib.
Hesab edilir ki, yeni şəbəkə 6-100 QHs tezliklərində saniyədə 10 giqabit sürəti ilə işləyəcək ki, bu da siqnalın keyfiyyətini və buraxılış qabiliyyətini yüksəltməyə imkan verəcək. “Juniper Research”in məlumatına görə, yalnız smartfon deyil, həm də sadə telefonlar “5G” şəbəkəsinə qoşula biləcəklər.
Ekspertlərin fikrincə, qabaqcıl texnologiya insanları “Əşyaların interneti” konsepsiyasına yaxınlaşdıracaq: daxili ötürücülər sayəsində istənilən qurğu bir-birinə məlumatları ötürə bilər.
“Juniper Research” agentliyinin məlumatına görə, 2025-ci ilə yeni şəbəkənin aktiv abunəçilərinin sayı 240 milyona yaxınlaşacaq və operatorların gəliri 65 milyard dolları ötəcək.
AZƏRTAC
