Təhlükəsizlik ekspertləri “Firefox” internet brauzerinin istifadəçilərini vacib hesablarının parollarını dəyişməyə çağırır. Səbəb hakerlərin “Mozilla” brauzerinin bir bölməsinə – “Bugzilla” xəta izləmə sisteminə edilən kiber hücumlardır.

Novator.az xəbər verir ki, mütəxəssislər internet ödənişləri zamanı ikifaktorlu identifikasiyadan istifadə etməyi də məsləhət görürlər.

Şirkət bəyan edir ki, hakerlər “Firefox” istifadəçilərinə hücum etmək üçün lazım olan məlumatları oğurlayıblar. Onlar bu məlumatlardan istifadəçilərə qarşı yararlana bilərlər.

“Mozilla” isə növbəti haker hücumunun qarşısını almaq üçün artıq bir sıra tədbirlərin görüldüyünü bildirib. Amma kiber fırıldaqçılar parolları və fərdi məlumatları əldə etməklə istifadəçilərə gizlincə ziyan vura bilərlər.

“Bugzilla” sistemi “Mozilla”nın proqram təminatındakı səhvləri və ya xətaları izləmək üçün açıq çıxışlı kodu olan alətdir. Şirkət belə hücumların qarşısını almaq məqsədilə “Bugzilla”nın praktiki təhlükəsizliyinı yeniləmək niyyətindədir .