Bank hesabına mobil telefonla nəzarət
Amerika Bankirlər Assosiasiyası ölkə əhalisi arasında mobil telefonun bank sistemində rolu ilə bağlı sorğu keçirib. Novator.az xəbər verir ki, sorğunun nəticələrinə görə, ABŞ əhalisinin beşdə ikisi (39%-i) bankdakı hesaba nəzarət etmək üçün heç olmasa ayda bir dəfə mobil telefondan istifadə edir.
Assosiasiyanın keçirdiyi sorğunun nəticələri Federal Ehtiyat Palatasının bu yaxınlarda verdiyi hesabatı təsdiqləyir. Palata 2015-ci ilin mart ayında bildirmişdi ki, smartfon sahiblərinin 52%-i son 12 ayda mobil telefon vasitəsilə öz hesablarının balansını ayda an azı bir dəfə yoxlayırlar.
