Nazirlərə bahalı telefon qadağası
Rusiya hökuməti büdcə hesabına alınan mal və xidmətlərin dəyərinə məhdudiyyəti nəzərdə tutan sənəd qəbul edib. Novator.az xəbər verir ki, sənədə əsasən, federal dövlət orqanın rəhbəri və ya rəhbər müavini dövlət vəsaiti hesabına qiyməti 15 min rubldan (230 manat) artıq olan telefon və ya 2,5 milyon rubldan (38 min manatdan bir qədər çox) artıq dəyəri olan şəxsi avtomobil ala bilməz.
Sənəddə məmurların hansı materialdan mebel ala biləcəyi də göstərilib. Məsələn, yüksək rütbəli dövlət qulluqçusu özünə dəri kreslo o halda ala bilər ki, ondan aşağı vəzifəni tutan həmkarının heç olmasa parça ilə örtülmüş stulu olsun.
