Moskva metrosunda “Mobil bilet” xidməti işə salınacaq. Yəni mobil telefonu turniketə basmaqla gediş haqqını ödəmək mümkün olacaq.

Novator.az xəbər verir ki, mobil bilet xidmətindən şəhər nəqliyyatının digər növlərində də istifadə ediəcək. Xidmətə qoşulmaq pulsuzdur, ondan istifadə etmək üçün telefonun sim kartını “NFC” texnologiyasına malik sim kartla əvəzləmək lazım gələcək.

“NFC” – Near Field Communication deməkdir. Bu, bir-birindən 10 santimetr məsafədə yerləşən qurğular arasında məlumatları mübadilə etməyə imkan verən simsiz texnologiyadır.

Moskva Metropoliteni “Mobil bilet” xidmətini Rusiya paytaxtının Nəqliyyat Departamenti və mobil rabitə operatorları ilə birlikdə reallaşdırır.