“PayPal” onlayn ödəmə şəbəkəsi yeni pul köçürməsi xidməti təqdim edib.

Novator.az xəbər verir ki, “PayPal.Me” adlanan xidmət hesab sahiblərinə  fərdi məlumatların köməyi ilə dostlarından pul istəmək imkanı verir.

“PayPal.Me” xidməti dünyanın hər yerində təqdim olunacaq. Xidmət artıq ilk 18 ölkədə həyata keçirilib.  “PayPal.Me”nin köməyi ilə fərdi məlumatı (məsələn, paypal.me/IvanPetrov) qeydiyyatdan keçirərək dostlara və qohumlara göndərmək olur. Həmin məlumatı alan dostlar və qohumlar həmin adama asan yolla onlayn pul köçürə bilər.

İstifadəçi məlumatı istənilən qurğudan istənilən formatda (SMS, e-mail, ani ismarış, sosial şəbəkədəki, bloqdakı və ya saytdakı hesabı ilə) göndərə bilər.

Yeni xidmət pul köçürmələri üçün təhlükəsiz hesab olunur. Çünki xidmət elektron poçt ünvanı və ya bank kartının nömrəsi kimi şəxsi məlumatların göstərilməsini tələb etmir.