Amerikalı mütəxəssis David Hansonun hazırladığı “Android robot” adamları hədələyib.

Novator.az xəbər verir ki, “Android robot” hədəsini ABŞ-ın PBS televiziyasına müsahibəsində səsləndirib.

Düşünməyi və məntiqli cümlələr qurmağı bacaran robot Disk jurnalistin “Robotlar gələcəkdə dünyanı ələ keçirəcəkmi?” sualına belə cavab verib: “Narahat olmayın, nə qədər Terminatora çevrilsəm də, insanlar üçün quracağım heyvanat bağımda sizi etibarlı və isti yerdə saxlayacam!”

Aldığı cavab qarşısında çaşqınlığını gizlədə bilməyən müxbirin “Yəni deyirsən dünyanı ələ keçirəcəksiniz?” sözlərinə robot yenə zarafatla cavab verib: “Dostum, çox ağır suallar verirsən. Narahat olma, sən mənim dostumsan, səni unutmaram, mənimlə tanış olduğuna görə sənin bəxtin gətirib”.