Hindistanın rəqabət məsələləri üzrə komissiyasi “Google” şirkətini anti-inhisar qanunvericiliyini pozmaqda ittiham edib. Şirkətin sentyabrın 10-dək tənzimləyici orqana rəsmi cavab verəcəyi gözlənir.

“Google”un vəziyyəti yoluna qoya bilməyəcəyi təqdirdə cərimənin məbləği şirkətin ümumi gəlirinin 10 faizini təşkil edə bilər.

Hindistanda ABŞ şirkəti ilə bağlı anti-inhisar araşdırmasına 2014-cü ilin noyabrında başlanıb və iki istiqamətdə aparılır (bazarda mövqedən sui-istifadə, “AdWords” həlləri idarəçiliyində haqsız rəqabət).

Bundan başqa, komissiya “Flipkart”, “Facebook” və digər şirkətlərə “Google”un biznes praktikası ilə bağlı sorğu göndərib. Onların hamısı ABŞ şirkətinin axtarış bazarında öz mövqeyindən sui-istifadə etməsini təsdiq ediblər.

Xəbəri Mincom.gov.az saytı Searchengines.ru-ya istinadla yayıb.