Yaponiyanın “Toyobo” şirkəti insanın nəbzini  yoxlayan, həmçinin digər fizioloji göstəricilərin şəklini çəkə bilən xüsusi material hazırlayıb.

Novator.az xəbər verir ki, “kokomi” adlanan həmin material zahirən və əllə toxunduqda audioplyonkaya bənzəyir.

“Kokomi” futbolkaya və ya digər alt paltara iç tərəfdən yerləşdirilir və dəridən ən zəif elektron impulsları qəbul edə bilir. Paltara yerləşdirilən kiçik ötürücü məlumatı samartfona və ya digər qurğuya  çatdırır.

Şirkətin məlumatına görə, bu innovasiya materialının köməyilə təkcə ürək ritmləriinin deyil, nəfəs tezliyinin və tərləmənin də səviyyəsi haqda məlumat əldə etmək mümkündür. Yeni materialdan tibbi reabilitasiya prosesi zamanı istifadə olunacağı güman edilir.

Yeni kəşf hələlik kütləvi bazara çıxarılmasa da, onu 2017-ci ildə satışda görmək mümkün olacaq.