Hər il dünyada 500 min uşaq çirkli içməli sudan zəhərlənərək dünyasını dəyişir. Bu prosesin qarşısını almaq üçün alimlər tərəfindən təkcə bilik yox, həm də su mənbəyi kimi istifadə oluna bilən xüsusi kitab hazırlanıb.

Azərbaycan Milli Elmlər Akademiyasının yaydığı məlumata görə, “İçməli kitab” (Drinkable Book) adlanan bu nəşrin səhifələri gümüş nanohissəciklərlə örtülüdür. Gümüşün suyun tərkibində olan bakteriyaları təmizləmək xüsusiyyəti elmə çoxdan məlum idi. Lakin bu metalın adi kağız parçası ilə birlikdə istifadəsi yenilikdir.

Kitabdan istifadə etmək üçün ondan bir səhifə qoparıb filtr qutusuna yerləşdirərək suyu üzərindən süzmək lazımdır. Bir səhifə 99, 9 faiz mikrobları zərərsizləşdirə bilir. Bu kitab vasitəsilə bir insanın dörd illik içməli su tələbatını ödəmək olar. Kitabın səhifələrində içməli su təhlükəsizliyi haqqında informasiya da tapa bilərsiniz.

Kitab Banqladeş və Afrikanın bir sıra ölkələrində sınaqdan keçirilib.