Kanadanın “Thoth Technology” firması ABŞ-ın kosmosda lift tikintisi patentini əldə edib.
Novator.az xəbər verir ki, bu lift dünyanın ən uca binasından (Dubayda 828 metr hündürlüyü olan Bürc-Xəlif göydələnindən) 20 dəfə hündür olacaq.

20 kilometrlik lift qülləsinin zirvəsində kosmik uçuş aparatlarının startı, enməsi və yanacaqla doldurulması üçün imkanlar yaradılacaq.

“Thoth Technology” firması hesab edir ki, kosmosa çəkiləcək lift raketlərin orbitə buraxılması işində yanacağa və başqa maliyyə xərclərinə 30% qənaət etməyə imkan verəcək.

Konstruktorlar kosmik gəmilərin qülləyə çıxışı üçün külək enerjisindən istifadə etməyi düşünürlər.
Kanada şirkəti kosmik lifti turist ekskursiyalarına da açıq etməyi planlaşdırır.