Sərhəd yenə bağlı qalır
Nazirlər Kabineti oktyabrın 1-də götürülməsi gözlənən xüsusi karantin rejimini 2026-cı il yanvarın 1-dək uzadıb. Qərar sentyabrın 22-də imzalanıb.
2020-ci il martın 31-də koronavirus infeksiyasına görə tətbiq olunmuş xüsusi karantin rejimi ölkəyə giriş-çıxışa məhdudiyyət qoyur – quru sərhədlər bağlıdır.
2019-cu ilin dekabrında Çində üzə çıxan yeni koronavirus infeksiyası dünyanı bürüyüb. 2020-ci il martın 11-dən elan olunmuş qlobal pandemiya 2023-cü il mayın 5-də başa çatsa da, Azərbaycan hökuməti daxili təhlükəsizliyi təmin etmək zərurətini əsas gətirərək quru sərhədləri bağlı saxlayır.
