Avro haradan haraya gəlib?
2025-ci ildə Azərbaycanda avronun rəsmi kursu 1-7 iyul, 24 iyul, 9 sentyabr və 16 sentyabrda 2 manatdan yuxarı olub.
Azərbaycanın yeni manata keçdiyi 2006-cı il 1,0882 manat məzənnə ilə start götürüb. Mərkəzi Bank 2011-ci ildə avronun ilk qiymətini 1,0588 manat, 2016-cı ildə 1,6895 manat, 2021-ci ildə 2,0854 manat, 2025-ci ildə 1,7536 manat göstərib.
Nağdsız dövriyyəyə 1999-cu il yanvarın 1-də buraxılan avro 2002-ci il yanvarın 1-dən real pul vahidi kimi işlədilir, Avropa İttifaqının 20 ölkəsində milli valyuta sayılır: Almaniya, Avstriya, Belçika, Estoniya, Finlandiya, Fransa, Xorvatiya, İrlandiya, İspaniya, İtaliya, Kipr, Latviya, Litva, Lüksemburq, Malta, Niderland, Portuqaliya, Slovakiya, Sloveniya, Yunanıstan.
Avropa İttifaqı üzvü olmayan daha 6 ölkə avro zonasına daxildir: Andorra, Kosovo, Monako, Monteneqro, San Marino, Vatikan.
