Mənfi saldo 7,3 milyard dolları ötür
Yanvar-avqust aylarında Gürcüstanda xarici ticarət dövriyyəsi 2024-cü ilin eyni dövrünə nəzərən 8,8 faiz, ixrac 6,7 faiz, idxal 9,7 faiz artıb. Novator.az-ın məlumatına görə, Milli Statistika Xidməti belə hesabat yayıb.
Rəsmi açıqlamada qeyd olunur ki, səkkiz ayda 4 milyard 448 milyon dollar dəyərində ixrac, 11 milyard 804 milyon dollarlıq idxal qeydə alınıb, ticarət dövriyyəsində mənfi saldo 7 milyard 356 milyon dollara çatıb.
Statistikaya əsasən, 2022-ci ildə Gürcüstanın idxalı ixracını 7,9 milyard dollar, 2023-cü ildə 9,5 milyard dollar, 2024-cü ildə 10,3 milyard dollar üstələyib.
Mənbə: Geostat.ge
