Məğlubiyyət baş yeyir
Yaponiyada hakim Liberal Demokrat Partiyasının sədri postuna seçki oktyabrın 4-nə təyin olunub. Novator.az bildirir ki, partiya sədri Siqeru İsiba sentyabrın 7-də baş nazir postundan istefa verdiyini açıqlayıb, liberal demokratları yeni lider seçməyə çağırıb.
Konstitusiyalı monarxiya olan Yaponiyada hökumət parlamentdəki qüvvələr nisbəti əsasında qurulur.
Siqeru İsiba 2024-cü il oktyabrın 1-dən baş nazirdir.
Liberal Demokrat Partiyası və onun koalisiya ortağı olan Komeyto Partiyası həm 465 nəfərlik aşağı palatada, həm 250 nəfərlik yuxarı palatada azlıqda qalıb. Aşağı palataya seçki 2024-cü il oktyabrın 27-də, yuxarı palatanın yarı hissəsinə seçki bu il iyulun 20-də keçirilib. Hər iki seçkidə məğlubiyyət Siqeru İsibanın hakim partiyada nüfuzunu sarsıdıb.
Mənbə: Reuters.com
