Lirə bu il nə qədər ucuzlaşıb?
Azərbaycan Mərkəzi Bankı sentyabrın 5-də 100 Türkiyə lirəsini 4 manat 12 qəpiyə təklif edir. Bu, ilin siftəsindən 69 qəpik aşağı qiymətdir. 2021-2024-cü illərin devalvasiya dalğasında 100 lirənin rəsmi kursu 22 manat 91 qəpikdən 4 manat 85 qəpiyə düşüb, 2025-ci il 4 manat 81 qəpiklə başlayıb.
Novator.az bildirir ki, Türkiyənin Mərkəzi Bankı ABŞ dollarının məzənnəsini 41,1 lirə göstərir. 2025-ci ilin start qiyməti 35,3 lirə olub.
Statistika Qurumunun hesabatına görə, avqustda Türkiyədə istehlak qiymətləri 2024-cü ilin eyni ayına nəzərən 32,95 faiz artıb, 143 əsas mal, məhsul və xidmətin 119-da bahalaşma qeydə alınıb.
