Oyunçu alverində dövriyyə 10 milyard dolları döyür
Beynəlxalq Futbol Federasiyaları Assosiasiyası (FİFA) yay transferləri üzrə hesabat yayıb. Novator.az bildirir ki, açıqlamaya görə, iyunun 1-dən sentyabrın 2-dək kişi futbolunda 12 minə yaxın transfer rəsmiləşib və klublar 9,76 milyard dollar xərc çəkiblər. Bu məbləğ 2024-cü ilin eyni dövrü ilə müqayisədə 50 faizdən çoxdur.
Qadın futbolunda transfer xərclərinin 2024-cü ilin yay keçidlərinə nəzərən 80 faiz artımla 12,3 milyon dollara çatdığı xəbər verilir.
FİFA-nın reqlamentinə əsasən, klub futbolunda ildə iki transfer pəncərəsi açılır. Mövsümün sonundakı transfer pəncərəsi 12 həftədən, ortasındakı transfer pəncərəsi 4 həftədən çox ola bilməz. Oyunçuların klub dəyişməsi (satılması və ya icarəyə verilməsi) FİFA-da qeydiyyata alındıqda rəsmiləşir.
Mənbə: Fifa.com
