Türkiyə: ərzaq 33 faizdən çox bahalaşıb
Avqustda Türkiyədə istehlak qiymətləri 2024-cü ilin eyni ayına nəzərən 32,95 faiz artıb. Statistika Qurumu kommunal xidmətlərdə bahalaşmanı 53,27 faiz, ərzaq və spirtsiz içkilərdə 33,28 faiz, spirtli içkilər və tütün məmulatlarında 29,71 faiz, geyim və ayaqqabılarda 9,49 faiz göstərir.
Hesabata görə, 143 əsas mal, məhsul və xidmətin 119-da dəyər yüksəlişi, 20-də ucuzlaşma qeydə alınıb, 4-də qiymət dəyişməyib.
Novator.az bildirir ki, sentyabrın 3-də Azərbaycan Mərkəzi Bankı 100 Türkiyə lirəsini 4 manat 13 qəpiyə satır.
2021-2024-cü illərdə 100 lirənin rəsmi kursu 22 manat 91 qəpikdən 4 manat 85 qəpiyə düşüb, 2025-ci il 4 manat 81 qəpiklə başlayıb.
Mənbə: Tuik.gov.tr
